سبع ساعات ونادتني بأسمه ما هو بأسمي........تناديني جابر واسمي انا ياللاسف فهـد..

عجبتني هذي القصيده

وحبيت انقلها لكـــــــــم...


سبع ساعات اسولف واتكلم واستخف دمي
وهي تسمعني وتضحك ومبسوطه على الآخر

::

سبع ساعات اعلمها عن احزاني وعن همي
واسولف عن حكايا الطفل كان وصار هالشاعر


::


سبع ساعات تتساقط حروف الصدق من فمّي
على صحرا مسامعها سحاب العشق متناثر

::

سبع ساعات وتحلف لي براس العشق وتسمي
تقول انت الوحيد اللي ملكني حبك الساحر

::

سبع ساعات ونادتني بأسمه ما هو بأسمي
تناديني جابر واسمي انا ياللاسف فهـد::

تشنج كل شيٍ كان حولي ومسمعي يدمي
ركز خنجر جابر في مسمعي من صوتها الخادر

::

تخدّر فكري وجسمي وذاب بداخلي عظمي
وصرت اسمع صدى صوتٍ يردد غلطة الشاطر

::

يردد غلطة الشاطر بعشرة واقعي وحلمي
وترددها زوايا غرفتي والواقع الغادر

::

كثير اصوات شقت جلدي اللي يحتضن عظمي
وصراخ الباب والدولاب والشباك والساتر

::

وونات القلم والدفتر اللي يلتفت يمي
وخايف وش ابي اكتب بوسطه من هنا لـ باكر

::

وكانت ساكته وصوت النفس من خشمها و خشمي
ربع ساعه وبحة صوت قالت: خير وش صاير

::

وطرا في بالي عبدالله وخالد واحمد ونشمي
ولآخرهم جابر تسعه وانا مدموغه العاشر

::

وقلت ابداً مغير الخير ولكن امسحي رقمي
اكيد انه جابر جالس سبع ساعات وهو ناطر

::

وقالت لي: رجاءً او اقولك.. طير ياعمي
مسوي حضرتك في هالزمان العاشق الطاهر

::

وقالت لي: اقول! وقلت: انا بقول وذا علمي
عجب هالناس وش هالناس تخطي وبالخطى تكابر

::

انا يابنت بنثر لك حياتي واجمعي لمّي
بعضه بنثره في مسمعك هالحين ومن خاطر

::

ترا عمري انا تسعه وعشرين وكذا رسمي
ولكن عشت ايامي دبلها مقبل وعابر

::

اصيل وكل اصيلٍ مايبي مدحي ولا ذمي
وسبع انعام في هالناس اخص الحامد الشاكر

::

انا من نجد وربعي هم "عتيـــبه" وخالي الدحمي
"وبرقـــا" هم لحمي ودمي وانا من"روق" ومع ناصر

::

انا فهـد ولد هايف وسلم الطيب هو سلمي
ابوي اللي مربيني على الجزلات واتفاخر

::

انا راعي مجاهيمٍ يشع بفخذها وسمي
وراعي خيل وراعي بير وبيتٍ مبغضه كافر

::

على الرمضى ابت رجلي بأرضٍ عاشقه ضمي
وشمسٍ تشرق وتوقف على راسي وانا صابر

::

عرق وجهي يصب وامسحه بشماغي وكمي
وألد عيوني عن ناسٍ سرقني يمها الناظر

::

وانا شاعر ولو اكتب عجز كل فكر في نظمي
ولاني بالغرور احكي ولكن واثق وقادر

::

وانا رجال هاوي للقمم ويقودني عزمي
وابي ارقى على راس الجبل وانتي مع الحادر

::



عرفتي ليه انا طاهر؟ لانك همي وغمي
ولان الدنيا في عيني جبل نرقاه ونغامر

::

يابنت الناس شفتي كيف بليّا سلاح مانرمي
ولانوقف بوجه البندق المليان ونخاطر

::

خلقنا الله بشر بعقول وذا واقع وذا وهمي
وكلٍ يتبع مراده وفينا رابح وخاسر

::

وقالت لي فمان الله شعلت النار في جسمي
فمان الله يالطاهر ومثلك قله ونادر

::

ورحت آخذ كتاب الله واحلف بالكتاب:" امي
لو ان اسمي جابر بالله ماكان احلى من فهـد..!!

وسـلأمــتـكم

ان شاء الله تعجبكم

الله الله عليك
والله انك رافع راس المنتدى وما تقصر اخوي
الله يعطيك العافيه
اخوك:jahana
المـــــديـــــــــــــــــــــــــــــــــــــــــــــــر

اللة يعافيك وشكرا على المرور